تعالى نتخيل سوا
لو كنت نايم
ورايح فى سابع نومة
مش حاسس باى حاجة حواليك
فجأة
لقيت حد بيهزك بقوة
بيحاول يصحيك من النوم
بيحاول يفوقك
طب تعالى نتخيل
ان اللى بيفوقك ده
المفروض انك تكون منتظره
بفارغ الصبر
انك تكون فى استقباله
ومجهز نفسك لحضوره
وكلك شوق للقياه
المفروض انك تكون بتعد الايام والليالى
من اول ما يغيب عنك
لغاية ما يرجع تانى
فاذا بيك بتنسى ميعاد رجوعه
تغفل تماما انه قرب يعود
ولكن
هو بنفسه بيتنازل وبيفوقك
وبيقولك
انت ليه نايم؟؟؟
ليه غافل
بيعرفك انه جاى مخصوص علشانك
علشان يساعدك
انه جاى مخصوص
علشان تتغير
الحد ده هو رمضان
والنايم ده كان انا
المفروض انى اكون بدعى
اللهم بلغنا رمضان
لكن انى افاجأ ان رمضان بكره
دى مشكلة بجد
صح؟؟؟
انا كنت كل ما افتكر ان رمضان قرب
احس انه ضاع منى مسبقا
حاسس انى نايم وضايع ومش مستعد اتغير
بجد
كنت رايح فى النوم
لكن اخر يوم فى شعبان
حسيت ان بجد رمضان بيصحينى
حسيت انه جاى مخصوص علشانى
انه جاى يفوقنى
جاى يغيرنى
انه جاى علشان يرجعنى
للطريق الصح
جاى ينقذنى
بالفعل حسيت ان رمضان ده مهم
انه انطلاقة جديدة بالنسبالى
علشان اتغير
واغير
للاستفادة من رمضان نحو التغيير ابحث عن هذه المحاضرات :-رمضان واحياء الامة للعلامة القرضاوى
رمضان وبناء الامة للدكتور راغب السرجانى
كيف نستقبل رمضان للاستاذ وجدى غنيم
تابع معى فى رمضان :-
قنوات دينية :- الرسالة - دليل - العفاسى - المجد - الكتاب - المجد 3 - الرحمة - راما - طيور الجنة
قنوات اخبارية :- الاقصى- العالم - نشرات اخبار قناة المجد - الحوار - الجزيرة مباشر
كتب :- القرآن الكريم - كتب التجويد والتفسير
.jpg)
والله انا كان عندى نفس الشعور بس مش عارفة ليه الشهر عدى بسرعة محستش بيه يا رب بقي نفوق على ليلة القدرويبلغنا اياها وربنا ييسرلك وتتغير بقي عشان انا بصراحة من يوم ما عرفاتك وانت عايز تتغير ومش عارفة انت ناوى امتى بصراحة !!!
بسم الله الرحمن الرحيم
طول ما الانسان حاسس انه غلطان ولازم يصلح نفسه
بمعنى اخر فى جهاد مع نفسه ومع الشياطين انسهم وجنهم فهو على خير ان شاء الله
ارادة التغيير هى فى رأيى 90% من التغيير ذاته
بالفعل رمضان عدى بسرعة ولكن هكذا الضيوف الكرام
اسألك الدعاء