عربىٌ أنا

السلام عليكم شخصيا: العيد السنادى عندى كان روتينى جدا فى بعض الحاجات كان غير عادى بس للأسوأ وخصوصا لما شحنت عشان ابعت رسايل واتصل بزمايلى _ والله اتصال مش رن واهو عيد وكله بثوابه_ بس اخترت ابعت اةل رساله لمين؟؟؟ قلت ابعت لقناة الاقصى بس للأسف الرصيد خلص بعدها 7 جنية و15 قرش ضاعوا ياولاد قلت مش مهم استنى الرسالة تظهر الاقى الشريط كله اختفى والرسالة ماظهرتش اتبقى جنية ابويا فتح عليا ضيع الباقى يالله انا لله وانا اليه راجعون المهم قضيت العيد رسائل مجانية من على النت وخلاص بس على المستوى العام غزة ضربت اليهود قلم ماحصلش مثلا ليلة عرفات اسرائيل استهدفت سراي القدس واغتالت الشهيد ماجد الحرازين القائد العام و9 مجاهدين ويوم عرفات الدنيا باضت واستهدفوا القسام والشرطة البحرية وتانى يوم العيد حاولوا يجتاحوا غزة بس على مين !!!!!!!!! دول القسام يا معلم بهدلوهم تدمير دبابة ومقتل جندى واصابة خمسة واجبار الاباتشى على الانسحاب من سماء الميدان ولما اسرائيل دخلت ال اف16 وفكرت ان حماس خلاص رد القسام جاهز قوات الدفاع الجوى فى الكتائب دخلت !!!!!!!!!!!! اه والله كتائب القسام بقى عندهم قوات دفاع جوى وبحرية كمان ، دا غير الصواريخ من القسام والسرايا والوية الناصر صلاح الدين اللى جت فى الصميم وزى ما اعترفت اسرائيل ان القسام بقى جيش وقريب هيوديهم فى داهية والأهم ان اللى صلى بالناس العيد وخطب كان اسماعيل هنية رئيس الوزراء!!! عقبال اللى بالى بالك. باختصار حماس غيرت غزة عقبال الضفة ثم ................. ولا بلاش ياعم